«Embimunaı» AQ bıýdjetke 54 mln teńge tóledi
ATYRAÝ. QazAqparat - Atyraý oblysynda birneshe ken ornynan munaı óndiretin «Embimunaı» AQ saqtaýdaǵy ónerkásiptik qoqystar kólemin jasyrǵany úshin bıýdjetke 54 mln teńge tóledi, dep habarlaıdy QazAqparat tilshisi.
«Tekseris barysynda anyqtalǵandaı, 2017 jyly kásiporynnyń polıgondarynda 10 myń tonnadan astam qaýipti qoqystar saqtalǵan. Biraq qorshaǵan ortaǵa emıssııa úshin tólemaqy boıynsha salyq deklaratsııalarynda onyń kólemi kórineý azaıtylyp, 2,9 myń tonna dep kórsetilgen. Jalǵan aqparattyń saldarynan bıýdjetke 50,1 mln teńge túspeı qalǵan», - dep málim etti Atyraý oblystyq prokýratýrasynan.
Prokýratýranyń aktisi boıynsha, memleket bıýdjetine 50,1 mln teńge mólsherindegi salyq jáne 3,9 mln teńge somada ósimpul óndirip alyndy.
