Eljana Tanıeva Azııa chempıonatyndaǵy ekinshi altynyn jeńip aldy

TAShKENT. KAZINFORM – Ózbekstan astanasy Tashkent qalasynda ótip jatqan kórkem gımnastıkadan qazaqstandyq Eljana Tanıeva ekinshi altynyn jeńip aldy. 

Otandasymyz shyǵyrshyqpen jattyǵýdan 33,90 upaı jınap, taǵy da Azııa chempıony atandy. Bul synda kúmisti japonııalyq Reına Matsýsaka, qolany qazaqstandyq Aıbota Ertaıqyzy enshiledi.

Esterińizge sala keteıik, keshe Eljana Tanıeva Tashkentte ótip jatqan Azııa chempıonatynda kópsaıys qorytyndysy boıynsha 133.40 upaı jınap, bas júldemen qatar, Parıj Olımpıadasynyń joldamasyna qol jetkizdi. Bul el qorjynyna túsken 50-shi joldama.

Sonymen qatar búgin taǵy bir otandasymyz Aıbota Ertaıqyzy lentamen jattyǵý boıynsha qarsylas shaq keltirmeı, qurlyqtyq dodanyń bas júldesin qanjyǵasyna baılady.