Eljan Birtanovty jumysqa alasyz ba: Tilshiler Densaýlyq mınıstrine suraq qoıdy
NUR-SULTAN. QazAqparat – Búgin tikeleı efırde QazCOVID-in vaktsınasyn alǵan QR Densaýlyq saqtaý mınıstri Alekseı Tsoıǵa «burynǵy Densaýlyq saqtaý mınıstri Eljan Birtanovty jumysqa alasyz ba?» degen saýal qoıyldy, dep habarlaıdy QazAqparat tilshisi.
«Sot Eljan Birtanovqa úıden shyǵýǵa jáne jumys isteýge ruqsat berdi. Ony Densaýlyq saqtaý mınıstrligine qabyldaısyz ba?», - dep surady tikeleı efır barysynda «Habar 24» telearnasynyń tilshisi.
Bul saýalǵa Alekseı Tsoı: «Qazirgi ýaqytta biz de mundaı aqparatty alyp otyrmyz. Bilýimizshe, qazirgi ýaqytta ol kommertsııalyq qurylymda jumys istep jatyr», - dep jaýap berdi.
Aıta keteıik, búgin elimizde QazVac vaktsınasymen vaktsınatsııalaý bastalyp, vaktsınany tikeleı efır barysynda alǵashqylardyń biri bolyp Densaýlyq saqtaý mınıstri Alekseı Tsoı alǵan edi.
