Eljan Birtanov Jenevada Dúnıejúzilik densaýlyq saqtaý assambleıasynda sóz sóıledi
Assambleıa barysynda Almaty Deklaratsııasynyń 40 jyldyǵyna oraılastyrylǵan medıtsınalyq-sanıtarlyq alǵashqy kómek boıynsha DDU jahandyq konferentsııasyn ótkizý máseleleri talqylandy. Shara 2018 jylǵy 25-26 qazanda Astanada ótedi. Sonymen birge, DDA-71 aıasynda TMD elderiniń densaýlyq saqtaý salasyndaǵy yntymaqtastyqty nyǵaıtý, úzdik tájirıbe almasý máseleleri boıynsha TMD elderiniń densaýlyq saqtaý mınıstrleriniń keńesi ótti. Elderdiń DDA-71 baǵdarlamasynyń negizgi baǵyttary boıynsha ustanymdary, sondaı-aq álemde MSAK-ty damytýdaǵy Almaty Deklaratsııasynyń róli talqylandy.
190-nan astam eldiń delegatsııalarynyń aldyndaǵy baıandamasynda DDU bas dırektory, doktor Tedros Gebreıesýs DDU Jahandyq konferentsııasyn ótkizýdiń mańyzdylyǵyn atap ótti.
«Jahandyq konferentsııa 1978 jylǵy Almaty Deklaratsııasynyń negizgi erejelerin odan ári iske asyrý boıynsha DDU-ǵa qatysýshy elderdiń saıası erkindigin jańartýǵa kómektesedi», - dedi Tedros Gebreıesýs.
Aıta ketý kerek, QR Densaýlyq saqtaý mınıstri Eljan Birtanov Qazaqstan ókili retinde alǵash ret DDA-71 tóraǵasynyń orynbasary bolyp saılandy.
«2018 jylǵy 25-26 qazanda Astana qalasynda MSAK boıynsha Jahandyq konferentsııa alańynda medıtsınalyq alǵashqy kómektiń bolashaǵyna kózqarasty jańadan qaıta paıymdaý asa mańyzdy», - dedi QR densaýlyq saqtaý mınıstri Eljan Birtanov óz baıandamasynda.
Óz kezeginde, TMD elderi delegatsııalarynyń basshylary medıtsınalyq kómektiń sapasyn arttyrý, densaýlyq saqtaýdy tsıfrlandyrý salasyndaǵy ıdeıalar men tájirıbe almasýǵa jáne TMD azamattary úshin TMD ishinde jumys ornyn aýystyrý jáne turý kezinde kórsetilgen medıtsınalyq kómek týraly derekterdi almasýǵa múddelilik tanytty.
Sonymen qatar, Assambleıanyń ashylý qarsańynda Jeneva qalasyndaǵy DDU shtab-páteriniń bazasynda QR densaýlyq saqtaý mınıstri Eljan Birtanov DDU-nyń bas dırektory, doktor Tedros Gebreıesýspen kezdesti.
Taraptar Konferentsııanyń qorytyndy qujatyn - zamanaýı syn-tegeýrinderge sáıkes keletin MSAK boıynsha jańa dúnıejúzilik Deklaratsııany qabyldaý jónindegi Qazaqstannyń bastamasyn jáne DDU men ıÝNISEF-tiń jahandyq konferentsııasyna daıyndyq máselelerin talqylady. Mınıstr E. Birtanov QR men DDU arasyndaǵy qarqyndy jáne tabysty áriptestik yntymaqtastyq úshin doktor Gebreıesýske alǵysyn bildirdi. Óz kezeginde doktor Gebreıesýs Qazaqstannyń barlyq usynǵan bastamalaryn qoldap, Jahandyq konferentsııany ótkizýge daıyndyq barysyna tabys tiledi.