Eljan Birtanov jalpyǵa birdeı vaktsınaǵa qarsylarǵa jaýap berdi
NUR-SULTAN. QazAqparat – Damyǵan elder óz halqyn koronavırýs pandemııasyna qarsy vaktsınalarǵa kezekke qoıýda. Bul týraly QR Densaýlyq saqtaý mınıstri Eljan Birtanov óziniń Facebook paraqshasynda osyndaı pikir bildirdi, dep habarlaıdy QazAqparat.
QR Densaýlyq saqtaý mınıstri óziniń Facebook paraqshasynda memleketterdiń pandemııadan shyǵý strategııasyna arnalǵan Bloomberg maqalasyn ornalastyrdy. Onda osy jaǵdaıdan oıdaǵydaı shyǵýdyń joly búkil álem boıynsha vaktsınatsııalaý júrgizýge baılanysty ekendigi aıtylǵan.
«Bizdi keıbir «joldastar» jalpyǵa birdeı vaktsınatsııalaýdy boldyrmaý qajettiligi týraly jar salyp jatqan kezde damyǵan elder óz halqy úshin koronavırýs pandemııasyna qarsy vaktsınaǵa kezek turyp jatyr. Bári bólinip qoıǵan syńaıly. Aldaǵy jaz mezgilinde «COVID-19 ekpe jasalmaǵandarǵa kirýge tyıym salynady» degen taqtaıshalardyń búkil Eýropa elderinde paıda bolýyn joqqa shyǵara almaımyz», dep atap ótken Eljan Birtanov.
