Eljan Birtanov ushaq apatynan zardap shekkenderdiń jaǵdaıyn jeke baqylaýyna aldy

NUR-SULTAN. QazAqparat – QR Densaýlyq saqtaý mınıstri Eljan Birtanov Almaty túbinde ushaqtyń apatqa ushyraýy saldarynan zardap shekken azamattardyń jaǵdaıyn jeke baqylaýyna aldy, dep habarlaıdy QazAqparat.

«Almaty túbindegi áýe apatynan qaza bolǵandardyń otbasylary men týǵan-týystaryna kóńil aıtamyn. Qaıǵylaryńyzǵa ortaqpyn. Aýrýhanadaǵy azamattardyń jaǵdaıy jeke baqylaýymda. Zardap shekkenderdi qajetti medıtsınalyq kómekpen jáne dári-dármekpen tolyq qamtamasyz etemiz»,- dep jazdy mınıstr Twitter-degi paraqshasynda.

Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.

Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.