Eljan Birtanov: Ýchaskelik dárigerler jalaqysy kezeń-kezeńmen óspek
«Elbasymyzdyń 2018 jylǵy 5 qazandaǵy Joldaýyn iske asyrý maqsatynda mınıstrlik Qazaqstan Respýblıkasynda alǵashqy medıtsınalyq kómekti damytýdyń 2019-2020 jyldarǵa arnalǵan is-sharalar josparyn bekitti. Birinshiden, qoljetimdilikti arttyrý maqsatynda alǵashqy medıtsınalyq kómek dárigeriniń júktemesin tómendetý jáne 1 nysanǵa keletin ýchaskeler sanyn 20-dan 10-ǵa deıin azaıtý josparlanyp otyr», - dedi mınıstr.
Ekinshiden, onyń atap ótýinshe, alǵashqy medıtsınalyq kómek sapasyn jaqsartý maqsatynda sozylmaly aýrýlardy basqarý baǵdarlamasyn keńeıtý jáne ýchaskelik qyzmetkerlerdiń jalaqysyn kezeń-kezeńmen 20 paıyzǵa deıin ulǵaıtý josparlanǵan. Memleket basshysynyń tapsyrmasyna sáıkes, 2019 jyldyń 1 maýsymynan bastap jalaqysy tómen medıtsınalyq qyzmetkerlerdiń tólemaqysy 30 paıyzǵa artady.
«Úshinshiden, barlyq alǵashqy medıtsına uıymdarynda aqparattyq júıe engizilip, azamattardyń elektrondyq densaýlyq pasporttary jasalady», - dedi E.Birtanov.