Eljan Birtanov onkologııalyq naýqastardy emdeýdiń jańa tásilderin atady
Úkimet otyrysynda «QR-da onkologııalyq aýrýlarmen kúres jónindegi 2018-2020 jyldarǵa arnalǵan keshendi jospary» týraly baıandama jasaǵan Eljan Birtanov sońǵy 10 jylda Qazaqstanda qaterli isik aýrýlardyń ósý úrdisiniń 9,5 paıyzǵa ulǵaıǵanyn, ólim-jitim kórsetkishi 28,5 paıyzǵa tómendegenin atap ótti.
«Keshendi jospardyń maqsaty qaterlik isikterdiń aýyrtpalyǵyn tómendetý bolyp tabylady. Atalǵan jospardyń negizgi maqsattary: profılaktıkany damytý jáne qaýip faktorlaryn basqarý, onkologııalyq aýrýlardyń joǵary tıimdi erte dıagnostıkasy, onkologııalyq kómek kórsetýdiń ıntegratsııalanǵan modelin engizý, onkologııalyq kómekti tsıfrlandyrýdy, kadrlyq áleýet pen ǵylymdy damytý», - deıdi mınıstr.
Keshendi jospar boıynsha Astanada onkologııalyq kómek kórsetýdiń úılestirýshi rólin iske asyratyn Ulttyq onkologııalyq ortalyqty qurý kózdelgen.
«Keshendi jospardy iske asyrýǵa 35,1 mlrd teńge bólindi. Onyń ishinde: halyqtyń nysanaly toptaryn skrınıngtermen qamtýdy ulǵaıtý arqyly onkologııalyq aýrýlardy erte anyqtaýǵa, dıagnostıka men isikke qarsy emdi baqylaý úshin PET zertteýleri qyzmetterin ulǵaıtýǵa, onkologııalyq aýrýlarǵa kúdigi bar patsıentterdiń dıagnostıkalyq qyzmetterge qoljetimdiligin arttyrýǵa, qaterli isikterge molekýlıarlyq-genetıkalyq testileýdi engizýge, telepatologııa arqyly dıagnostıkanyń kúrdeli jaǵdaılaryna halyqaralyq konsýltatsııalar júrgizýge baǵyttalady», - deıdi Eljan Birtanov.
Budan ózge mınıstr onkologııalyq uıymdar úshin ortalyq tsıtostatıstıkaty ortalyqtan suıyltýǵa arnalǵan jabdyqtardy satyp alýdy josparlap otyrǵanyn atap ótti. Bul antıseptıkalyq dárilerdi tıimdi, qaýipsiz jáne utymdy paıdalanýdy qamtamasyz etedi. Qazirgi tańda mınıstrlik medıtsına salasyna IBM Watson for Oncology jasandy zerdeni engizý boıynsha jumystar atqarylýda. Atalǵan alań onkologtarǵa dáleldengen medıtsınanyń negizinde jeke emdeý ádisin usynyp, onkologııalyq saraptaýǵa, sheteldik medıtsınalyq oqýlyqtarǵa qol jetkizedi.
Eljan Birtanovtyń aıtýyna qaraǵanda, keshendi jospardy iske asyrý úshin jeke ınvestıtsııalar tartylatyn bolady.
«Osy maqsatta memlekettik-jekeshelik áriptestiktiń mehanızmderin paıdalana otyryp, 149 birlik jabdyq satyp alý josparlanǵan. Mınıstrlik onkologııalyq qyzmettiń ınfraqurylymyn damytý boıynsha usynystardy qarastyrýǵa jáne yntymaqtastyqqa daıyn. Osyǵan baılanysty biz jergilikti atqarýshy organdardy jeke sektormen ózara tıimdi qarym-qatynas ornatýǵa shaqyramyz», - deıdi mınıstr.