Eljan Birtanov óńirlerdegi ólim-jitim deńgeıin synǵa aldy
Otyrysta QR Densaýlyq saqtaý mınıstri Eljan Birtanov óńirlerdegi ólim-jitim máselesin kóterdi.
«Aqsha eshqashan jetpeıdi. Biz jalpy ólim-jitim jóninde qarjylandyrý, ekologııa jáne tártip jaǵdaılarynyń toǵysýy retinde aıtyp otyrmyz. Qarajat kóp adamdarǵa jetpeı otyr.
Mınıstrlikpen, áleýmettik medıtsınalyq saqtandyrý qorymen jumys istep, qarajat kólemin muqtaj jaqqa aýdarý qajet. Ekinshiden, mamandar óz jumysyna durys ekpin qoıýy tıis... Memlekettik baǵdarlamada aýrýdyń aldyn alý sharalaryn damytýǵa jáne basymdyq berilgen», - dedi mınıstr QR Densaýlyq saqtaý mınıstrliginde ótken alqa otyrysynda.
Sonymen birge, óńirlik densaýlyq saqtaý basqarmalary jalpy ólim-jitim kórsetkishteri boıynsha esep berdi. Mańǵystaý densaýlyq saqtaý basqarmasy basshysynyń orynbasary Lázzat Esenǵalıevanyń aıtýynsha, oblysta balalar óliminiń kórsetkishi alańdatyp otyr.
«Alǵashqy jartyjyldyq qorytyndysyna sáıkes, bul kórsetkish 9.0 quraıdy. 2018 jylmen salystyrǵanda tómendeý bar. Alaıda, bul deńgeı respýblıkalyq kórsetkishten de joǵary bolyp otyr. Negizgi sebep - jatyrdaǵy kezeńnen týabitti damý kemistigine deıingi ólim-jitim bolyp otyr. Bizde memlekettik-jekeshe áriptestik jobasy ázirlenip jatyr. Onyń aıasynda 16 ÝDZ apparaty satyp alynady. Qazir qol qoıý jumystary júrýde. Ana ólimi boıynsha da (10,2) ótken jylǵy kórsetkishten tómendep keledi. Qaýip-qater de bar. Onkopatologııa máselesi sheshilip jatyr», - dedi L. Esenǵalıeva.