Eljan Birtanov «Ohotzooprom» qoryqshysynyń densaýlyǵy týraly aıtty

NUR-SULTAN. QazAqparat – QR Densaýlyq saqtaý mınıstri Eljan Birtanov BAQ ókilderine brakonerler jaralaǵan «Ohotzooprom» qoryqshysy Qanysh Nurtazınovtiń densaýlyǵy týraly aıtty, dep habarlaıdy QazAqparat tilshisi.

«Ohotzooprom» qoryqshysynyń jaǵdaıy tikeleı meniń baqylaýymda. Kún saıyn onyń jaǵdaıy týraly aqparat kelip turady. Dál qazir onyń jaǵdaıy ortasha aýyr dep baǵalanyp otyr. Ómirine qaýip tónip turǵan joq. Tolyq em alýyn jalǵastyrady», - dedi mınıstr.

Eske salsaq, búgin QR Prezıdenti Qasym-Jomart Toqaev qoryqshy Qanysh Nurtazınovtiń otbasyna kómek kórsetiletindigin málim etti.