Eljan Birtanov «Nur Otan» partııasynda turǵyndardyń aryz-shaǵymyn tyńdady

NUR-SULTAN. QazAqparat - QR Densaýlyq saqtaý mınıstri Eljan Birtanov «Nur Otan» partııasynda azamattardy qabyldady, dep habarlaıdy QazAqparat tilshisi.

Qabyldaýǵa jazylǵan turǵyndar mınıstrge túrli máseleler boıynsha júgindi.

«Eń aldymen azamattar medıtsınalyq kómektiń sapasy, dárilik qamtamasyz etý, medıtsınalyq kómekti uıymdastyrý, shetelde emdelý, naýqastardy ońaltý máselelerin qozǵady. Sonymen birge, beınekonferentsııa baılanysy arqyly elimizdiń barlyq óńirlerindegi turǵyndar mınıstrmen tikeleı sóılese aldy», - dedi QR Densaýlyq saqtaý mınıstriniń baspasóz hatshysy Gaýhar Bısarına.

Mınıstr qabyldaýyna jalpy sany 30 adam keldi.