Eljan Birtanov Nazarbaev áýejaıyndaǵy sanıtarlyq bekettiń jumysymen tanysty
NUR-SULTAN. QazAqparat - QR Densaýlyq saqtaý mınıstri E.Birtanov Nur-Sultandaǵy Nazarbaev áýejaıynda ornalasqan sanıtarlyq karantındik pýnktke bardy.
Mınıstr Qytaıdan keletin ushaqtyń jolaýshylaryn tekserý sharalarymen tanysty, dep habarlaıdy QazAqparat QR Densaýlyq saqtaý mınıstrliginiń Facebook -paraqshasyna silteme jasap.
Mınıstrlik taratqan málimetterge qaraǵanda, búginde elorda áýejaıynda QHR-dan kelgen 6 myńnan astam azamat tekserýden ótti. Olardyń barlyǵy ushaqtan túspeı turyp saýalnama toltyrady. Ol Qytaıdan Qazaqstanǵa kelgen azamattardy 14 kún boıy baqylaýda ustaý úshin qajet.
Jalpy, profılaktıkalyq jumystar 6 qańtarda bastalǵan. E.Birtanov sanıtarlyq karantındik pýnkttegi saqtyq sharalaryn kúsheıtip, mamandardan tek ushaq bortynda ǵana emes oqshaýlaý bólmesinde de arnaıy kostıým kıip júrýdi talap etti.
Sondaı-aq E.Birtanov Nazarbaev áýejaıyndaǵy oqshaýlaý bólmesin keńeıtý týraly tapsyrma berdi.
