Eljan Birtanov: Medıtsınalyq mekemelerge tek qana sonda jumys isteıtinder kirgiziledi
«Búginnen bastap barlyq medıtsınalyq uıymdarda sanıtarlyq-karantındik sharalar kúsheıtildi. Aýrýhanalarda, medıtsınalyq-áleýmettik mekemelerde, qarttar úılerinde, ınternettarda karantın kúshine enedi. Osy karantın boıynsha bul mekemelerge tek qana sonda jumys isteıtin azamattar kirgiziledi, ıaǵnı bóten adamdar atalǵan oryndarǵa kirgizilmeıdi. Sonymen qatar sarnıtarlyq-dezınfektsııalyq rejim kúsheıtiledi», - dedi mınıstr onlaın formatta ótken baspasóz máslıhatynda.
Mınıstrdiń atap ótýinshe, medıtsınalyq mekemelerde foto jáne beıne túsirilimge tyıym salynady.
«Barlyqtaryńyzdy bul tótenshe jaǵdaıda sabyrlyq saqtaýǵa shaqyramyz. Bul emdeletin ınfektsııa ekenin bilesizder. Osy oraıda qajetti sharalardy uıymdastyrý baǵytynda bizde barlyq jaǵdaı bar. Barlyq sanıtarlyq jumystar qabyldanyp jatyr. Tıisti suraqtar boıynsha bizdiń arnaıy koll-ortalyqtaǵy 1406 nómiri arqyly jáne ǵalamtordaǵy saıttar ári áleýmettik jelilerd boıynsha aqparat alýǵa bolady», - dedi Eljan Birtanov.
Budan buryn habarlanǵandaı, Nur-Sultanda koronavırýs boıynsha taǵy 14 jańa naýqas tirkeldi.
Osylaısha, qaýipti indetpen aýyrǵandar sany 27-ge jetti. Onyń ishinde 16 jaǵdaı - Nur-Sultanda, 11 fakti - Almatyda tirkelgen.