Eljan Birtanov: Medbıkeler pandemııamen kúreste aldyńǵy qatarda turdy

NUR-SULTAN. QazAqparat – QR Densaýlyq saqtaý mınıstri Eljan Birtanov medbıkelerdi Halyqaralyq medbıkeler kúnimen quttyqtady, dep habarlaıdy QazAqparat.

«Ózim de jumysty Almatydaǵy Ortalyq qalalyq klınıkalyq aýrýhanada jáne Jedel medıtsınalyq kómek aýrýhanasynda meıirger bolyp bastadym, sondyqtan, táýligine 24 saǵat kezekshilikke túskende tózim men shydamdylyqtyń asa qajet ekenin men tájirıbemnen jaqsy bilemin. Túrli protsedýra jasaısyń, naýqastardy egý, jansaqtaý bólmesindegi jaǵdaıy aýyr patsıentterdi túnimen kúzetý qajet, mundaıda adamda «mindetimdi sátti atqarsam» degen oı ǵana bolady.

Sizder atqaryp otyrǵan jumys - qaıyrymdylyq, meıirimdilik pen gýmanızmge negizdelgen. Bul qasıetter medıtsınalyq aq halat kıgen árbir mamanǵa úlken jaýapkershilik júkteıdi», dep jazdy mınıstr Facebook -tegi paraqshasyna.

Onyń aıtýynsha, álemdegi medıtsına qyzmetkerleriniń jartysynan kóbi medbıke jáne olar densaýlyq saqtaý júıesinde ómirlik mańyzdy qyzmet atqarady.

«Kóbińiz osy mamandyqqa ábden beıimdelip aldyńyz, tipti, kómekke muqtaj adamdarǵa shynaıy qyzmet etý – ómir súrý saltyna aınaldy. Jalpy, naýqasty emdeý isinde meıirbıkelerdiń eńbegi óte mańyzdy.

Medbıkeler adam densaýlyǵyna qaýip tóndiretin epıdemııa, pandemııamen kúreste de aldyńǵy qatarda turdy. Búkil álemdegi medbıkeler COVID-19 qasqaıyp qarsy shyqty.

Elimizdegi meıirbıkeler men meıirgerlerge mınıstrliktiń atynan alǵys bildiremin. Óz isterińzge degen adaldyq pen patsıentterge degen qaıyrymǵa, meıirimge toly qarym-qatynastaryńyz úshin kóp raqmet!», - dep jazdy Elbjan Birtanov.