Eljan Birtanov: Qytaıdaǵy koronavırýs jaǵdaıyna kúndelikti monıtorıng júrgizip otyrmyz
«Qytaıdaǵy 16 myńnan astam naýqas emdelip, aýrýhanalardan shyqty. Biraq ókinishtisi 2 121 naýqas koronavırýs ınfektsııasynan qaıtys boldy. Jalpy Qytaı Halyq Respýblıkasy boıynsha kúndelikti monıtorıng júrgizip otyrmyz. Kún saıyn jańa aýrýdyń qarqyny azaıyp kele jatyr. Kún saıyn tirkelgen naýqastar jóninde esep júrgizip otyrmyz. Jalpy Qytaıdaǵy jalpy sanıtarlyq jaǵdaı jaqsardy dep aıtýǵa bolady. Syrqat juqtyrǵandar sany tómendep keledi», - dedi Eljan Birtanov OKQ-da ótken baspasóz máslıhatynda.
Mınıstrdiń aıtýyna qaraǵanda álemniń 29 elinde koronavırýs ınfektsııasyn juqtyrǵan naýqastar tirkelgen.
«Keshe túnde Iranda eki naýqas tirkeldi. Shetelde tirkelgenderdiń ishinde bes naýqas qaıtys boldy. Biz basqa memleketterdegi koronavırýs ınfektsııasynyń tirkelýin zerdelep otyrmyz. Bul másele Densaýlyq saqtaý mınıstrliginiń arnaıy shtaby men vedomstvoaralyq komısııasynyń baqylaýda», - dedi ol.