Eljan Birtanov QR Densaýlyq saqtaý jáne áleýmettik damý vıtse-mınıstri bolyp taǵaıyndaldy
Taǵaıyndaýǵa deıin E. Birtanov «Memlekettik-jeke menshik seriktestik jobalaryn súıemeldeý ortalyǵy» JShS Basqarma basshysy qyzmetin atqardy.
Eljan Birtanov 1971 jyldyń 18 qazanynda Jambyl qalasynda dúnıege kelgen. Ol Almaty medıtsınalyq ınstıtýtynda, Arızona shtatynyń ýnıversıtetinde, Reseı medıtsınalyq dıplomnan keıingi bilim akademııasynda, Sharıte ýnıversıtettik klınıkasynda (Germanııa), Turan ýnıversıtetinde, Duke University, Fuqua School of Business (AQSh), Global Executive MBA magıstratýrasynda bilim alǵan.
Ol Almaty qalasyndaǵy jedel medıtsınalyq kómek kórsetý emhanasynyń dáriger-reanımatology, Respýblıkalyq toksıkologııa ortalyǵynyń jetekshisi, QR Densaýlyq saqtaý mınıstrliginiń bas toksıkology, QR Densaýlyq saqtaý mınıstrligi «Densaýlyq saqtaý salasyn damytý ınstıtýty» RMM dırektory, QR Premer-Mınıstriniń keńesshisi, «Ulttyq medıtsınalyq holdıng» AQ Basqarma basshysynyń orynbasary, QR Densaýlyq saqtaý vıtse-mınıstri, sondaı-aq, «Ulttyq medıtsınalyq holdıng» AQ Basqarma basshysy qyzmetterin atqarǵan. 2014 jyldyń mamyr aıynda Memlekettik-jeke menshik seriktestik jobalaryn súıemeldeý ortalyǵynyń Basqarma basshysy bolyp taǵaıyndalǵan bolatyn.
Qazaqstan Respýblıkasy densaýlyq saqtaý isiniń úzdigi. Medıtsına ǵylymdarynyń doktory.
Esterińizge sala keteıik, QR Úkimetiniń 2015 jylǵy 9 qazandaǵy qaýlysymen Qaıyrbekova Salıdat Zıkenqyzy basqa jumysqa aýysýyna baılanysty QR Densaýlyq saqtaý jáne áleýmettik damý Birinshi vıtse-mınıstr qyzmetinen bosatylǵan bolatyn.
