Eljan Birtanov koronavırýstan aıyqqan naýqastar qalaı emdelgenin aıtty

NUR-SULTAN. QazAqparat - Biz basqa memlekettermen apta saıyn vıdeokonferentsııa ótkizip, qajetti ózgerister engizip jatyrmyz. Bul týraly onlaın brıfıngte QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Arnaıy klınıkalyq, dıagnostıkalyq jáne emdeý protokoly bekitilgen. Biz basqa memlekettermen apta saıyn vıdeokonferentsııa ótkizip, qajetti ózgerister engizip jatyrmyz. Halyqaralyq protokol arqyly paıdalanatyn dárilerdi paıdalanýdamyz. Vırýsqa qarsy dári-dármek jetkilikti. 10 myń adamǵa arnalǵan rezervimiz bar» , - deıdi QR Densaýlyq saqtaý mınıstri Eljan Birtanov.

Ol sheteldik emhanalardan kóptegen usynys túsip jatqanyn aıtty.

«Sheteldik emhanalardan, ǵylymı-zertteý ınstıtýttardan kóp usynys túsip jatyr. Kóbi tekserilmegen, belgisiz dári-dármekter. Mundaı aqparattardy bizdiń mamandar zerttegen soń ǵana protokolǵa engizemiz», - deıdi ol.