Eljan Birtanov ınfektsııalyq statsıonardan shyǵyp, úıinde em alyp jatyr

NUR-SULTAN. QazAqparat – Burynǵy densaýlyq saqtaý mınıstri Eljan Birtanov ınfektsııalyq statsıonardan shyqty, dep habarlaıdy QazAqparat tilshisi.

«Eljan Amantaıuly jaǵdaıynyń jaqsarýyna baılanysty ınfektsııalyq statsıonardan shyǵaryldy. Qazir ambýlatorııalyq emin jalǵastyrýda», - dedi OKQ-da ótken baspasóz máslıhatynda densaýlyq saqtaý vıtse-mınıstri Ajar Ǵınııat.

Eske sala ketsek, buǵan deıin Memleket basshysynyń Jarlyǵymen Eljan Birtanov Qazaqstan Respýblıkasynyń Densaýlyq saqtaý mınıstri qyzmetinen bosatylyp , onyń ornyna Alekseı Tsoı taǵaıyndalǵan edi.

Onyń aldynda Eljan Birtanovtyń KVI juqtyryp alǵany habarlanǵan.