Eljan Birtanov: Halyq densaýlyǵy kodeksiniń jańa nusqasyna qarsylyq - progresten qorqý
«Búgin maǵan WhatsApp jelisi arqyly birneshe habarlama keldi. Qoǵamdyq belsendilik tanytyp júrgen azamattar Halyq densaýlyǵy kodeksiniń jańa nusqasyn Parlamentten keri qaıtaryp alý týraly petıtsııaǵa qol qoıýǵa shaqyrypty. ıAǵnı, olardyń bıyl kúzden beri qaraı atqarylǵan qyrýar sharýany joqqa shyǵarǵysy keledi. Menińshe, munyń astarynda progresten qorqý nemese dárigerler men patsıentterge beriletin múmkindikterdiń mánin jete túsinbeý syndy úlken másele jatyr. Jalpy, biz ózgeristerden qorqamyz, úırengen súrleýmen júre bergimiz keledi. Biraq densaýlyq saqtaý salasyn damytqymyz kelse ózgeris jasamaı bolmaıdy. Kodeks búgingi qoǵamnyń úzdik densaýlyq saqtaý júıesine kóshýge degen suranysyna tolyq jaýap beredi», - dep jazdy mınıstr.
Eljan Birtanov ózi de, Densaýlyq saqtaý mınıstrligi de Kodekske qatysty týyndaǵan saýaldarǵa jaýap berýge daıyn ekendigin atap ótedi.
«Barshańyzdy dúısenbi, 23 jeltoqsan kúni saǵat 11:00-de Astana medıtsına ýnıversıtetinde ótetin kezdesýge shaqyramyn. Kezdesý ýaqyty ózgerip jatsa, osy jerge jazamyn. Kelińizder, biz barlyq suraqtarǵa jaýap berýge daıynbyz. Eger bul kezdesý azdyq etse, turaqty túrde júzdesip turaıyq. Sebebi, engizilip jatqan reformalar kóp, al, jurtshylyqty mazalaıtyn suraqtar odan da kóp», -dedi ol.