Eljan Birtanov elordadaǵy jekemenshik medıtsınalyq ortalyqtardy aralady

NUR-SULTAN. QazAqparat – Búgin QR Densaýlyq saqtaý mınıstri Eljan Birtanov Nur-Sultan qalasyndaǵy jekemenshik medıtsınalyq ortalyqtaryn aralady. Bul jaıynda mınıstrdiń baspasóz hatshysy Gaýhar Bısarına Facebook-tegi paraqshasynda jazdy, dep habarlaıdy QazAqparat tilshisi.

Onyń atap ótýinshe, Eljan Birtanov eń aldymen Nur-Sultandaǵy MÁMS aıasynda balalarǵa tegin konsýltatsııalyq qyzmet kórsetetin jekemenshik ońaltý ortalyǵyn aralady. Ortalyqta protsedýralarǵa qajetti barlyq jaǵdaı jasalǵan. Onyń ishinde massaj kabıneti, EDSh, fızıoemdeý, tuzdy shahta, emshara kabıneti jáne basqalary bar.

«Ortalyq DTsP, entsefalopatııasy jáne joǵarǵy tynys alý joldarynyń sozylmaly patologııalary bar balalarǵa medıtsınalyq kómek kórsetýge baǵyttalǵanyn atap ótý qajet. Jylyna 700-den astam bala ońaltýdan ótedi. Sondaı-aq, mınıstr jekemenshik medıtsınalyq ortalyqtardy qoldaıtynyn jetkizdi jáne klınıkalar ınnovatsııalyq tehnologııalardy engizip, halyqqa sapaly medıtsınalyq kómek kórsetý maqsatynda emdeý standarttaryn saqtaýy tıis ekenin atap ótti», - dep jazdy Gaýhar Bısarına .