Eljan Birtanov elimizde onkologtardyń tapshylyǵy bar ekenin aıtty

ASTANA. QazAqparat - Parlament Májilisindegi Úkimet otyrysynda QR Densaýlyq saqtaý mınıstri Eljan Birtanov onkologııalyq qyzmettegi problemalardy atady, dep habarlaıdy QazAqparat tilshisi.

Mınıstr búginde elimizdegi onkologııalyq qyzmettiń ózekti máselelerine toqtaldy. Bul rette Ekonomıkalyq yntymaqtastyq jáne damý uıymy (EYDU) elderimen salystyrǵanda qaterli isikterdi erte daıgnostıkalaý kórsetkishiniń tómen bolýy (QR - 26,2%, EYDU 46 %-dan 70%-ǵa deıin); onkologııalyq skrınıngtermen qamtý paıyzynyń tómendigi (QR-60 %, EYDU- 70%); dıagnostıkalaýdyń joǵary tehnologııalyq ádisteriniń jáne ınnovatsııalyq emdeýdiń, onyń ishinde sáýlelik terapııaǵa qoljetimdiliktiń jetkiliksizdigi; onkologııalyq naýqastardy emdeý men baıqaýdy tolyq kórsetý úshin medıtsınalyq aqparattyq júıelerdiń tolyqqandy ıntegratsııalanbaýy máselesi bar.

E. Birtanovtyń sózine qaraǵanda, búginde onkologtardyń tapshylyǵy baıqalyp otyr, osy oraıda qajetti dárigerler boıynsha 125,6 bos oryn tirkeldi.

«Sáıkesinshe, Qazaqstanda obyrdyń bólek túrleri boıynsha 5-jyldyq ómirsheńdik kórsetkishi álemniń damyǵan elderine qaraǵanda tómen», - dedi vedomstvo basshysy.

Budan buryn habarlanǵandaı, Úkimet saǵaty barysynda mınıstr qazaqstandyqtar qaterli isiktiń qaı túrine jıi shaldyǵatynyn aıtty.