Eljan Birtanov «Densaýlyq» baǵdarlamasynyń qorytyndysyn jarııa etti
«Negizgi nátıjelerdiń arasynda – halyqaralyq tájirıbege sáıkes qoǵamdyq densaýlyq qyzmeti quryldy. Alǵashqy medıtsınalyq-sanıtarlyq kómekti damytý aıasynda jalpy praktıka dárigerine júkteme 16 paıyzǵa tómendedi, aýrýlardy basqarý baǵdarlamasy engizildi. Elbasy tapsyrmasyn oryndaý aıasynda dárilerdiń baǵalaryn retteý engizildi. 2020 jyldan bastap mindetti áleýmettik medıtsınalyq saqtandyrýdy engizý úshin daıyndyq jumystary júrgizildi», - dedi ol.
Mınıstrdiń dereginshe, medıtsınalyq qyzmetkerlerdiń jalaqysy 30 paıyzǵa ósti, dárigerler tapshylyǵy 2,7 ese azaıdy. Densaýlyq saqtaýǵa ınvestıtsııalar eki jarym ese artyp, 147 mlrd teńgege jetti. 469 jańa medıtsınalyq nysan paıdalanýǵa berildi. Tsıfrlandyrýdyń arqasynda emhanalardaǵy kezek eki ese azaıdy. Medıtsınalyq ınformatsııalyq júıeler barlyq memlekettik medıtsına uıymdarynda engizildi.
«Nátıjesinde densaýlyq kórsetkishteri jaqsardy. Ómir súrý uzaqtyǵy 73 jastan asty. Jalpy ólim 2 paıyzǵa, ana ólimi 13 paıyzǵa, náreste ólimi 4 paıyzǵa, týberkýlezden ólim sany 41 paıyzǵa tómendedi. Qorytyndylaı kele «Densaýlyq» baǵdarlamasynyń negizgi maqsattary men mindetteri oryndaldy dep aıtýǵa bolady«, - dedi Eljan Birtanov.