Eljan Birtanov dárigerlerge, polıtseılerge, eriktilerge alǵys aıtty

NUR-SULTAN. QazAqparat – Densaýlyq saqtaý mınıstri Eljan Birtanov medıtsına qyzmetkerlerine, polıtseılerge jáne eriktilerge alǵys bildirdi, dep habarlaıdy QazAqparat.

«Qazaqstanda COVID-19 taralýyna jol bermeý jolynda jan salyp eńbek etken medıtsına qyzmetkerlerine, polıtseılerge jáne eriktilerge erekshe alǵys bildiremin.

Sizder elimizde tótenshe jaǵdaı jarııalanǵan alǵashqy kúnnen bastap azamattardyń densaýlyǵyn, qaýipsizdigin kúzettińizder. Biz Sizderdiń eńbegińizdi baǵalaımyz jáne eldiń amandyǵy úshin úlken úles qosqandaryńyzdy túsinemiz. Sizderdiń áreketterińiz – biz úshin erliktiń, batyldyq pen yntymaqtyń aıqyn úlgisi!

Ózderińizge jáne jaqyndaryńyzǵa zor densaýlyq tileımin!», dep jazdy Eljan Birtanov Facebook -tegi paraqshasynda.