Eljan Birtanov dárigerlerdi kásibı merekesimen quttyqtady
«Densaýlyq saqtaýdyń sapasy men qoljetimdiligin arttyrý basty nazarymyzda tur. Bul baǵytta sizdermen ári qaraı da jumys isteı beremiz. Biz qazir tarıhı kezeńindemiz. Alǵash ret medıtsınalyq saqtandyrý júıesin iske qosamyz. Birer aıda ashylýy ótedi, oǵan qyzý daıyndalyp jatyrmyz. Taǵy bir jańa qujat - Densaýlyq saqtaý týraly kodeksti daıyndap jatyrmyz. Bul kodeks densaýlyq saqtaý salasyn damytýdyń negizgi prıntsıpin quraıdy. Eń bastysy, medıtsına qyzmetkerleriniń kásibı mártebesi bolady. Bul mártebeni kóteretin kez keldi. Búgin de Memleket basshysy Qasym-Jomart Toqaev dárigerler men muǵalimderdiń mártebesi mańyzdy ekenin aıtty. Osy mindetterdi júzege asyrý úshin ónimdi eńbek tileımin. Barlyǵy bizdiń qalaı tabysty damyǵanymyzǵa tikeleı baılanysty. Barshańyzdy kásibı merekelerińizben - medıtsınalyq qyzmetkerler kúnimen quttyqtaımyn», - dedi Eljan Birtanov elordada «Altyn Shipager» medıtsınalyq syılyǵynyń jeńimpazdaryn maarpattaýda.
Sonymen birge, mınıstr birqatar dárigerlerge nagrada men tósbelgiler tapsyrdy.
Elordalyq Jedel járdem qyzmeti bas dárigeriniń orynbasary Arman Baıanbaev «Densaýlyq saqtaý isine qosqan úlesi úshin» tósbelgisin aldy. «Densaýlyq saqtaý isiniń úzdigi» tósbelgisimen dáriger-rentgenolog Gúlnar Volkova men akýsher-gınekolog Shahızat Halyqova marapattaldy.
Sondaı-aq Dermatologııa ortalyǵynyń dárigeri Nesibeli Kóshkimbaevaǵa «Eńbek ardageri» medali berildi.
Aıta keteıik, jyl saıyn Qazaqstanda maýsym aıynyń úshinshi jeksenbisinde Medıtsına qyzmetkerleri kúni atalyp ótedi.