Eljan Birtanov bas sanıtar dárigerge qandaı ókilettikter beriletinin aıtty
«Memleket basshysy Qasym-Jomart Toqaev osy jyldyń 27 sáýirindegi málimdemesinde kodeks jobasyna halyq densaýlyǵyn saqtaý jáne sanıtarlyq-epıdemıologııalyq qyzmet júıesin jaqsartýǵa baǵyttalǵan praktıkalyq usynystar engizýdi tapsyrdy. Osylaısha kodeks jobasynda bas memlekettik sanıtar dárigerlerdiń shekteý is-sharalaryn jáne karantındi engizý jónindegi ókilettikterin kúsheıtý, halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń laýazymdy tulǵalaryn áleýmettik qorǵaý boıynsha sharalar engizý, Densaýlyq saqtaý mınıstrligine tótenshe jaǵdaıdy engizý kezeńinde medıtsınalyq kómek kórsetýdi uıymdastyrý tártibin aıqyndaý boıynsha quzyret berý kózdelgen», - dedi «Halyq densaýlyǵy jáne densaýlyq saqtaý júıesi týraly» kodeks pen «Keıbir zańnamalyq aktilerge densaýlyq saqtaý máseleleri boıynsha túzetýler engizý jóninde» ilespe zań jobasyn tanystyrǵan mınıstr.
Sonymen qatar onyń aıtýynsha, densaýlyq saqtaý salasyndaǵy tótenshe jaǵdaıda jedel den qoıý maqsatynda dárilik zattardyń sapasy men qaýipsizdigine áser etetin jaǵdaılar týyndaǵan kezde farmatsevtıkalyq ınspektsııa júrgizý, memlekettik-jekeshelik áriptestikti qoldana otyryp, densaýlyq saqtaý ınfraqurylymyn jaqsartý kózdeledi.
«Kórsetilgen túzetýlerdi qabyldaý nátıjesinde aınaladaǵylarǵa qaýip tóndiretin aýrýdyń taralý múmkindigi tómendeıdi. Áleýmettik qorǵaý jáne sanıtarlyq-epıdemıologııalyq qadaǵalaý qyzmetin nyǵaıtý, tótenshe jaǵdaı kezeńinde jekelegen medıtsınalyq qyzmetter kórsetýdi jedel uıymdastyrý, dárilik zattardyń sapasy men qaýipsizdigi qamtamasyz etiledi. Densaýlyq saqtaý salasyndaǵy kontsessııalyq jobalaryn tıisinshe iske asyrý jaqsarady», - dedi Eljan Birtanov.