Eljan Birtanov avıatsııalyq jedel járdem ortalyǵynyń jumysymen tanysty
«Búgin tańerteń QR Densaýlyq saqtaý mınıstri Eljan Birtanov avıatsııalyq jedel járdem ortalyǵynda bolyp, avıatsııalyq apattan keıin travmatologııa jáne ortopedııa ǵylymı-zertteý ınstıtýtynda ıntensıvti terapııada jatqan jáne Ulttyq kardıologııa ortalyǵynda aýyr jaǵdaıda jatqan naýqastardyń jaǵdaıymen jeke tanysty», - delingen habarlamada.
Mınıstr birinshi Ulttyq jedel medıtsınalyq kómek kórsetý ortalyǵyna baryp, 1-2 qańtardaǵy jedel járdem jumysymen tanysty.
«Dıspetcherlik jáne sıtýatsııalyq ortalyqtyń jumysyn ortalyq basshysy Birjan Ospanov tanystyrdy. Birjan Ospanovtyń aıtýynsha, 1 qańtardan 2 qańtarǵa deıin jedel járdem qyzmeti naýqastardy tasymaldaý úshin 4 reıs ushqan, onyń ishinde: 2 bala, júkti áıel jáne kóp jaraqat alǵan naýqas», - delingen habarlamada.
Aıta ketý kerek, osy ýaqyt ishinde áýe qozǵalysyn basqarý qyzmetine 17 ótinish kelip túsken.
«Búgin taǵy bir josparly jedel járdem ushaǵy Qostanaı qalasynan jańa týǵan náresteni Ulttyq ǵylymı kardıohırýrgııa ortalyǵyna jóneltpek», - deıdi ortalyq basshysy.
Óz kezeginde Eljan Birtanov barlyq tasymaldanǵan naýqastardyń jaǵdaıyn surady.
Óńirlerde medıtsınalyq kómektiń qol jetimdiligin arttyrý úshin aýdandyq deńgeıdegi barlyq aýrýhanalardy ulttyq telemedıtsınalyq jelige qosý jumystaryn júrgizýdi tapsyrdy.
«Mınıstr Ulttyq kardıologııa ortalyǵynyń jansaqtaý bóliminde jatqan aýyr naýqastardy da qarap shyqty. Jalpy alǵanda aýrýhanada 71 patsıent bar, onyń ishinde 7 eresek adam jáne 12 bala reanımatsııa bóliminde júrek patologııasy boıynsha jatyr», - delingen habarlamada.
ıÝrıı Pıanyń aıtýynsha, barlyq naýqas baqylaýda, dárigerler shtattyq rejımde jumys isteýde.
Eske sala ketsek, buǵan deıin mınıstr elordadaǵy travmatologııa jáne ortopedııa ǵylymı-zertteý ınstıtýtynda bolyp, Almaty mańyndaǵy ushaq apatynan zardap shekken adamnyń jaǵdaıyn bilgen edi. Aıta ketý kerek, ushaq apatynan zardap shekkenderdiń barlyǵyna qajetti em-dom kórsetilgen. Oǵan respýblıkalyq ǵylymı-zertteý ınstıtýttary men ortalyqtarynyń úzdik mamandary tartylǵan.
