Eljan Birtanov Atyraýda kópbalaly otbasyǵa baspana kiltin tabys etý rásimine qatysty
Januıanyń anasy Aqmaral Qadyrova jaqynda ǵana «Kúmis alqa» tósbelgisimen marapattalǵan. Otbasynyń alty balasy bar, qazir jetinshisin kútýde. Uzaq ýaqyt boıy otaǵasy jumysqa ornalasa almaǵan.
«Men muny burynnan oılap júrgenmin, biraq yńǵaıly sát bolmady, bir otbasyna bolsa da kómekteskenime qýanyshtymyn», - deıdi Almas Amanbaev.
«Elbasy ótken sezde memleket bir adam emes, barlyq qazaqstandyqtar degen bolatyn. Sondyqtan biz osyndaı sharalardy qoldaımyz, ózderin ǵana emes, jalpy qoǵamdy da oılaıtyn adamdary bar el baı bolary sózsiz», - dedi Eljan Birtanov kásipkerge alǵys aıta otyryp.
Isataı aýdanynyń ákimi Marat Mýrzıevtiń aıtýynsha, óńirde kásipkerlerdiń bastamasymen kóptegen qaıyrymdylyq sharalar atqarylǵan. 
«Aýdanymyzda kásipkerdiń qoldaýymen baspanaǵa ıe bolyp otyrǵan alǵashqy januıa. Mundaı qaıyrymdylyq sharalary aldaǵy ýaqytta da óz jalǵasyn tabady degen senimdemin. Sebebi, jyldan-jylǵa kásipkerlerdiń sany artyp, áleýmettik jaǵdaıy tómen otbasylarǵa materıaldyq kómek kórsetemin deýshilerdiń qatary kóbeıip keledi», - dediMarat Mýrzıev.
Jalpy aýdanda kúnkóris esebinen tómen tabys tabatyn 140 otbasy bar. Qazirgi kezge deıin olarǵa kásipkerlerdiń qoldaýymen azdy-kópti kómekter kórsetilgen.
Eske sala ketsek, Úkimettiń QR Premer-Mınıstriniń orynbasary Gúlshara Ábdiqalyqova bastaǵan áleýmettik blogynyń birinshi basshylarynan quralǵan jumys toby Elbasynyń «Áleýmettik qamqorlyq» jańa áleýmettik sharalaryn iske asyrý boıynsha aqparattyq-túsindirý jumystaryn júrgizý úshin Atyraý oblysyna barǵan bolatyn.
