Eljan Birtanov: Atyraý perzenthanasyndaǵy oqıǵany arnaıy komıssııa tekserip jatyr

NUR-SULTAN. QazAqparat – Atyraý oblysyndaǵy sábı ólimine qatysty QR Densaýlyq saqtaý mınıstrliginiń arnaıy komıssııa jumys istep jatyr. Bul týraly búgin Úkimet otyrysynan keıin Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Qazirgi ýaqytta Atyraýda Densaýlyq saqtaý vıtse-mınıstri men Taýarlar jáne qyzmetterdiń qaýipsizdik sapasyn baqylaý komıtetiniń tóraǵasy bastaǵan komıssııa júr. Sonymen qatar, ol jaqqa medıtsına ýnıversıtetteri ǵylymı ortalyqtarynyń jetekshi mamandaryn jiberemiz. ıAǵnı, mán-jaıdy tolyqtaı anyqtaımyz. Óıtkeni, tamyz aıynan beri Atyraý oblysynda sábı shetineýi jıilep ketti. Prezıdent Ákimshiliginiń tapsyrmasymen bul máseleni qarap jatyrmyz», - dedi ol.

Densaýlyq saqtaý mınıstriniń aıtýyna qaraǵanda, sábılerdiń shetineýi máselesi kúndelikti baqylaýda tur.

«Kúnde tańerteń maǵan qansha balanyń dúnıege kelgendgi jáne sábı ólim-jitiminiń deńgeıi jazylǵan málimetterdi beredi. Biz teris ósimdi kórgen kezde birden sol jaǵdaıdy jedel zerdeleımiz», - degen Eljan Birtanov Atyraýǵa komıssııanyń dárigerler ustalǵandyǵy týraly aqparat shyqpaı turyp jibergendigine nazar aýdartty.

Buǵan deıin, Atyraý oblysynda perzenthana basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingenin habarlaǵan edik.