Elvıra Ázimova Konstıtýtsııalyq sottyń tóraǵasy bolyp qaıta taǵaıyndaldy
ASTANA. KAZINFORM – Memleket basshysynyń Jarlyǵymen Elvıra Ázimova Qazaqstan Respýblıkasy Konstıtýtsııalyq sotynyń tóraǵasy laýazymyna taǵaıyndaldy, dep habarlady Aqorda.
Elvıra Ábilqasymqyzy 1973 jylǵy 15 aqpanda dúnıege kelgen. 1996 jyly Q.A. ıAsaýı atyndaǵy Halyqaralyq qazaq-túrik ýnıversıtetin «Halyqaralyq zańger» mamandyǵy boıynsha bitirgen.
Eńbek jolynda Ádilet mınıstrliginde uzaq jyl qyzmet atqardy.
1996-1999 jyldary mınıstrliktiń Halyqaralyq-quqyqtyq qamtamasyz etý basqarmasynda jetekshi jáne bas konsýltant boldy.
1999-2005 jyldary zańnama, halyqaralyq quqyq jáne protokol baǵyttaryndaǵy departamentterde basshylyq qyzmetter atqardy.
2005-2010 jyldary Ádilet mınıstrliginiń zańǵa táýeldi aktiler jáne halyqaralyq quqyq, memlekettiń múliktik quqyqtaryn qorǵaý, kelisimsharttar jáne talap-aryz jumysy baǵytyndaǵy departamentterin basqardy.
2010-2013 jyldary Ádilet mınıstrliginiń halyqaralyq sharttardy saraptaý departamentiniń dırektory, al 2013-2019 jyldary Ádilet mınıstriniń orynbasary qyzmetin atqardy.
2019 jylǵy qyrkúıekten 2023 jylǵy qańtarǵa deıin QR Adam quqyqtary jónindegi ýákil boldy.
Elvıra Ázimova 2023 jylǵy 1 qańtardan bastap QR Konstıtýtsııalyq Sotynyń Tóraǵasy qyzmetin atqaryp keldi.
Sondaı-aq ol QR Prezıdenti janyndaǵy Adam quqyqtary jónindegi komıssııanyń jáne Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi boldy.
Aıta keteıik, Keńgirbaı Smaǵulov Sátbaev ákimi boldy.
