Elvıra Ázimova Konstıtýtsııalyq sotqa azamattardan jıi túsetin ótinishterdi atady

ASTANA. KAZINFORM – Konstıtýtsııalyq sotqa azamattardan 10,5 myńnan astam ótinish tústi. Bul týraly Parlament palatalarynyń birlesken otyrysynda Konstıtýtsııalyq sot tóraǵasy Elvıra Ázimova aıtty.

- Parlament palatalarynyń birlesken otyrysynda Konstıtýtsııalyq sottyń Joldaýyn jyl saıyn tyńdaý Konstıtýtsııanyń ózinde bekitilgen. Bul – konstıtýtsııalyq baqylaý organyna degen ınstıtýtsıonaldyq senim. Búginde bizge azamattardan 10,5 myńnan astam ótinish kelip tústi. Olardyń shamamen úshten bir bóligi sońǵy 1,5 jylǵa tıesili. Olardyń basym bóligi qylmystyq, ákimshilik, azamattyq, jer, salyq jáne áleýmettik zańnamanyń normalaryna qatysty, - dedi Elmıra Azımov.

Onyń atap ótýinshe, kóptegen ótinish zańnamany jetildirý boıynsha naqty usynystardy, sondaı-aq qoldanystaǵy zańnamanyń normalaryn quqyqtyq túsindirýge suraý salýlardy qamtıdy.

- Bul sıgnal. Azamattardyń ne oılaıtynyn, neni taldaıtynyn, ne usynǵysy keletinin jáne ózderin estýin qalaıtynyn bildiretin belgi. Azamattardyń quqyqtyq sanasynyń mundaı ósýi bizden zań shyǵarýshylar men memlekettik ınstıtýttardan keri reaktsııany talap etedi. Ádilet mınıstrliginiń mundaı bastamalardy «Ashyq normatıvtik quqyqtyq aktiler» jáne jasandy ıntellektini qoldanýdy qosa alǵanda, zań konsýltatsııalary jobalary aıasynda eskerýin usynamyz, - dedi ol.

Aıta keteıik, Úkimet úıinde Parlament palatalarynyń birlesken otyrysy ótip jatyr.