Elvıra Ázimova Konstıtýtsııalyq komıssııanyń aldaǵy jumysyna qatysty túsinik berdi

ASTANA. KAZINFORM – Konstıtýtsııalyq komıssııa jumysy ary qaraı memlekettik organdarmen, azamattyq uıymdarmen jalǵasady. Bul týraly Konstıtýtsııalyq reformalar jónindegi komıssııanyń otyrysynda Konstıtýtsııalyq Sot tóraǵasy Elvıra Ázimova aıtty.

- Búgin Ata zań jobasynyń árbir taqyryptyq blogy boıynsha komıssııa múshelerin tyńdadyq. Konstıtýtsııa – bul memleketimizdiń Ata zańy jáne onyń mazmuny, qurylymy men logıkasy jalpyǵa tanylǵan halyqaralyq konstıtýtsııalyq tásilderge sáıkes qalyptasady. Konstıtýtsııa memlekettik saıasat pen qoǵamnyń damýyna qatysty strategeıalyq qaǵıdalardy, sondaı-aq azamattardyń quqyqtary men bostandyǵynyń kepildikterin bekitedi... Konstıtýtsııa jobasyn talqylaýdy jáne qosymsha túsindirýdi talap etetin máseleler boıynsha azamattarmen keri baılanys túrde pikirtalasty kelesi otyrysta jalǵastyramyz, - dedi E. Ázimova.

Onyń aıtýynsha, jańa Konstıtýtsııanyń jobasynda Egemendik pen Táýelsizdik, aýmaqtyq tutastyq, eldiń basqarý nysany eshqashan ózgermeıtin qundylyqtar qataryna jatqyzylǵan.

- Konstıtýtsııalyq komıssııa tek jumys toptarynyń usynystarymen shektelmedi. Jalpy, byltyrǵy qyrkúıek aıynan qoǵamda talqylaý bastaldy. Onyń aıasynda tıisti jumys toby quryldy. Sonymen qatar, 2026 jyldyń birinshi aıynda komıssııa qurylǵanyn bilesizder. Búgin baıandamashylar atap ótkendeıi, qazirgi kezde 2 myńnan astam usynys el azamattarynan keldi. Sondyqtan komıssııa jumysy ary qaraı memlekettik organdarmen, azamattyq uıymdarmen jalǵasady, - dedi E. Ázimova.

Budan buryn habarlanǵandaı, búgin Konstıtýtsııalyq reformalar jónindegi komıssııanyń otyrysynda Memlekettik keńesshi Erlan Qarın jańa preambýlada memlekettik shekarasy men aýmaqtyq tutastyǵyna qol suǵylmaıtyny anyq jazylǵanyn aıtty.