Qoǵammen ashyq dıalog jalǵasady — Elvıra Ázimova Konstıtýtsııalyq komıssııa jumysy týraly

ASTANA. KAZINFORM — Konstıtýtsııalyq sot tóraǵasy Elvıra Ázimova jańa Konstıtýtsııanyń jobasy ári qaraı da qoǵamnyń kóz aldynda, ashyq talqylana beretinin aıtty.

— Qazirgi tańda komıssııa hatshylyǵyna e-Ótinish platformasynan 4 myńnan astam usynys kelgeni belgili bolyp otyr. Qoǵam tarapynan kóptegen oń pikir túsip jatyr. Sonymen birge Konstıtýtsııa jobasynyń jekelegen baptarynyń redaktsııasyn jetildirýge baǵyttalǵan naqty ári mazmundy usynystar da kelip jatyr. Aldyńǵy otyrysta bastalǵan pikir almasýdy jalǵastyramyz, — dedi ol.

Onyń paıymdaýynsha, Konstıtýtsııa jobasyn azamattar belsendi ári sanaly túrde talqylap jatyr.

— Qoǵammen júrgizilip otyrǵan bul ashyq dıalog jalǵasady. Komıssııa músheleri jańa Konstıtýtsııa jobasynyń erejelerin aldaǵy ýaqytta da naqty, mazmundy jáne kásibı deńgeıde túsindirýdi jalǵastyrady, — dedi Elvıra Ázimova.

Aıta keteıik, jańa Konstıtýtsııanyń jobasyn túrli mekemeler, ujymdar talqylap jatyr.