Elýge jýyq sodyr Fılıppın prezıdenti kúzetshilerine shabýyl jasady
ASTANA. QazAqparat - Úkimet áskeri ókilderiniń kıimderin kıgen 50-ge jýyq sodyr Fılıppın prezıdenti Rodrıgo Dýterteniń kúzeti men eki avtokólikke oq jaýdyrdy.
Anadoly agenttiginiń habarlaýynsha, ekstremıstik top memleket basshysynyń qaýipsizdik qyzmetine Kotabato provıntsııasyndaǵy baqylaý-ótkizý pýnktteriniń birinde oq jaýdyrǵan.
Shabýyl barysynda jeti áskerı qyzmetker jaraqat aldy. Olardyń qazirgi jaǵdaıy jaıly ázirge eshqandaı málimet joq.
Aıta keteıik, Fılıppın prezıdentiniń ózi bul ýaqytta basqa jaqta bolǵan. Onyń kúzet qyzmetkerleri jaqynda Dýterte osy qalaǵa keletin bolǵandyqtan, qaýipsizdik sharalaryn júrgizý maqsatynda Kagaıan-de-Oro qalasyna shyqqan.
