Elý myń teńge para alǵan sheneýnik 4 mln aıyppul tóleıdi
QARAǴANDY. QazAqparat - Qaraǵandy aýdandyq soty Eńbek gıgıenasy ulttyq ortalyǵynyń dırektoryna para alǵandyǵy úshin aıyppul saldy, dep habarlaıdy «QazAqparat» HAA tilshisi.
Qaraǵandy qalasynyń Qazybek bı aýdandyq sotynan habarlaǵandaı, burynǵy sheneýnik Qanat Saqıev 50 myń teńge kóleminde para alǵany úshin aıypty dep tanyldy. Ol bul qarjyny farmatsevtıkalyq fırmanyń ókilinen egýge arnalǵan dári-dármekter qarjysynyń aýdarymyn jyldamdatý úshin alǵan.
Sýdıa Jumaǵul Shújenov sottalýshyny aıypty dep tanyp, aıyppul retinde jaza taǵaıyndady. Burynǵy sheneýnik óz kinásin tolyq moıyndap, ókindi. Ol prokýrormen protsessýaldyq kelisim jasap, taraptar aıyppul tóleý jazasyna toqtady.
«Sot sottalýshyny para alǵany úshin aıypty dep tanyp, 70 eselengen somada, ıaǵnı 4 200 000 teńge kóleminde aıyppul tóleýge úkim shyǵardy. Sottalýshynyń múlki tárkilenýge jatady. Qosymsha jaza retinde ol ómir boıyna memlekettik qyzmette jumys jasaý quqyǵynan shettetildi», - dep úkim etti sýdıa Jumaǵul Shújenov.
Eks-sheneýnikke aıyppuldy óz erkimen óteý úshin bir aı ýaqyt berildi. Odan keıin sot prokýrordyń narazylyǵymen aıyppuldy bas bostandyǵynan aıyrý jazasyna aýystyrýǵa quqyly.
