Eltańba avtory jeke qujattaryn ulttyq arhıv qoryna tapsyrdy
Munda, egemen eldiń Eltańbasyn jasaǵan avtor Jandarbek Málibekulyndaı Tulǵanyń ómir joly men shyǵarmashylyǵy, tyń týyndylarynyń túpnusqa jobalary, qoljazbalary men súbeli suhbattary, jarııalanǵan eńbekteri, foto-beıne materııaldary taǵy da basqa barlyq qujattary ulttyq arhıvke berildi.
Ulttyq arhıv dırektory Saǵıla Nurlanovanyń basshylyǵynda arnaıy qordyń ashylý saltanaty qujattyq, makettik kórmelermen qosa úlken is-shara bolyp atalyp ótildi. Saltanatty sharaǵa belgili tulǵalardan L.N.Gýmılev atyndaǵy Eýrazııa Ulttyq Ýnıversıtetiniń prorektory, akademık Dıhan Qamzabekuly, memleket qaıratkeri, qujattanýshy Jaqypov Mirbolat Habıuly, Fılologııa ǵylymdarynyń doktory, professor Serik Negımov, jazýshy, dramatýrg, jýrnalıst, tarıhshy, fılolog-ǵalym Joltaı Álmashuly, saıası ǵylymdarynyń doktory, professor Ábdijálel Qoshqaruly, Qazaq Ulttyq óner ýnıversıtetiniń professory Baıqońyr Ijanuly, Qoljazbalar jáne sırek kitaptar ulttyq ortalyǵynyń basshysy Jandos Bekdildáuly qatysty. Atalǵan jınalysqa qatysýshylar eltańbanyń tarıhy týraly óz oılarymen bólisti.
Jınalysta sóz alǵan Jandarbek Málibekov Eltańba tek merekelik sharalarda ǵana emes, kúndelikti ómirde kóbirek nasıhattaý kerek ekenin aıtty.
«Eldiń rámizderiniń kóbirek nasıhattalýy jas urpaqtyń otanshyldyq rýhyn oıatady», -deıdi eltańba avtory.
Atalǵan is-shara sońynda Jandarbek Málibekov ózi arnaıy jasatqan eltańbanyń tósbelgisin ulttyq arhıv dırektory Saǵıla Nurlanovaǵa tartý etti.
Aıta keteıik, búgin Qazaqstan Respýblıkasy Ulttyq arhıviniń dırektory Saǵıla Nurlanova Táýelsizdiktiń 30 jyldyǵy qarsańynda Memleket basshysy Qasym-Jomart Toqaevtyń Jarlyǵymen «Qurmet» ordenimen marapattalǵan bolatyn.
