Elsııar Qanaǵatov: Bes kúnde 15 joldama jeńip aldyq, bul úlken – nátıje
ASTANA. KAZINFORM – Qazaqstan sportshylary Frantsııa astanasy Parıj qalasynda ótetin XXXIII jazǵy Olımpıada oıyndaryna sońǵy bes kúnde 15 joldama jeńip aldy. Bul – úlken nátıje. Bul týraly Kazinform tilshisine Olımpıada oıyndaryna daıyndyq jónindegi shtab basshysy Elsııar Qanaǵatov aıtyp berdi.
«Ózderińiz kórip-bilip, jazyp-syzyp otyrǵandaı, sońǵy bes kúnde qazaq sportshylary Parıj Olımpıadasyna 15 joldama jeńip aldy. Bul – úlken nátıje. Olaı deıtinimiz áli kúnge Olımpıadaǵa 15 joldama ala almaı kele jatqan elder de joq emes. 19-23 sáýir aralyǵynda Japonııa astanasy Tokıo qalasynda baıdarka men kanoede esýden Qazaqstan komandasy Azııa chempıonatynda alty joldamaǵa qol jetkizse, Bishkekte kúres túrlerinen ótken Azııa aımaqtyq irikteý jarysynda erkin kúres sheberleri eki, grek-rım balýandary úsh joldamaǵa qol jetkizdi. Sonymen qatar Ońtústik Koreıanyń Chýndjý qalasynda akademııalyq esýden Olımpıadaǵa irikteý týrnırinde Vladıslav ıAkovlev taǵy bir joldamany jeńip aldy. Taǵy bir atletimiz Narıman Kýrbanov Dohadaǵy álem kýbogi kezeńinde sporttyq gımnastıkadan el qorjynyna kezekti joldmany syılady. Ońtústik Koreıanyń Chýndjý qalasynda akademııalyq esýden olımpıadalyq irikteýde otandasymyz Vladıslav ıAkovlevta óz maqsatyna jetti. Al keshe ǵana taǵy bir súıinshili habar jetti. Stend atýdan qazaqstandyq Marııa Dmıtrıenko Dohada ótken Olımpıadaǵa irikteý týrnırinde el qorjynyna 47 joldamany saldy», - dedi shtab basshysy.
Sondaı-aq, shtab basshysy alda áli 30-ǵa jýyq lıtsenzııalyq týrnırler bar ekenin aıta kele jalpy joldamalar sany 80-ge jýyqtap qalatynyn aıtyp berdi.
«Qazaq sportshylaryn alda áli de 30-ǵa jýyq lıtsenzııalyq týrnırler kútip tur. Demek, qazaqstandyqtardyń joldamalar sany osymen toqtap qalmaıdy. Jalpy 80-ge jýyq lıtsenzııa aldýdy kózdep otyrmyz. Sol maqsatta sportshylarmen de, bapkerlermen de tyǵyz baılanysta jumys atqarylyp, josparlar jasalyp jatyr», - dedi Elsııar Qanaǵatov.
Esterińizge sala keteıik, osydan bir kún buryn stend atýdan Qatar astanasy Dohada ótip jatqan lıtsenzııalyq týrnırde Ulttyq qurama sportshysy Marııa Dmıtrıenko el qorjynyna 47 joldamany syılaǵanyn jazǵan bolatynbyz.
