El ishinde joǵary quqyqtyq mádenıet qalyptasyp keledi — senator

ASTANA. KAZINFORM — Elimizde azamattyq jaýapkershilik ıdeologııasy berik ornyǵa bastady. Bul pikirdi Senat depýtaty Ǵalıasqar Sarybaev aıtty.

— Memleket basshysy Qasym-Jomart Toqaev quqyq qorǵaý organdarynyń keńeıtilgen alqa májilisinde sóz sóıledi. Sońǵy jyldary elimizde barlyq salada aýqymdy reformalar jasalyp jatyr. Memlekettiń saıası júıesi men ekonomıkalyq qurylymy túbegeıli jańǵyrýda. El ishinde joǵary quqyqtyq mádenıet qalyptasyp keledi. Azamattyq jaýapkershilik ıdeologııasy berik ornyǵa bastady, — dedi Ǵ. Sarybaev.

Osy oraıda ol Prezıdent quqyq qorǵaý júıesin jetildirýge jáne barlyq salada zań men tártip ornatýǵa basa mán berip otyrǵanyn atap ótti.

— 2019 jyldan beri qylmystyq quqyqbuzýshylyq sany shamamen eki ese azaıdy. Sonyń ishinde qaraqshylyq, tonaý, urlyq pen buzaqylyq deńgeıi 4 ese tómendedi, al kisi óltirýge qatysty qylmystar 30 paıyzǵa kemidi. Qoǵamdyq oryndardaǵy qylmys sany 80 paıyzǵa azaıdy. Bul — elimiz ben jerimiz azamattarymyz úshin qaýipsiz ekenin kórsetedi, — deıdi senator.

Budan buryn habarlanǵandaı, quqyq qorǵaý organdarynyń keńeıtilgen alqa májilisinde Prezıdent elimizde «Zań men tártiptiń» qatań saqtalýyna qoǵam ókilderiniń qosar úlesi de orasan zor ekenin atap ótti. 

Memleket basshysy Qasym-Jomart Toqaev quqyq qorǵaý organdarynyń keńeıtilgen alqa májilisinde ádiletti ári qaýipsiz Qazaqstandy qurý úshin zań men tártip ústemdigin túbegeıli ornyqtyrý kerek ekenin aıtty.