Elshi Qazaqstan-Qytaı arasyndaǵy statıstıkalyq aıyrmashylyqty túsindirdi

NUR-SULTAN. QazAqparat - QHR-dyń elimizdegi Tótenshe jáne ókiletti elshisi Chjan Sıao Qazaqstan men Qytaı arasyndaǵy saýda aınalymy boıynsha statıstıkalyq derekterdiń aıyrmashylyǵyna qatysty túsinik berdi, dep habarlaıdy QazAqparat tilshisi.

«Eki el statıstıkalyq málimetteri boıynsha nelikten osyndaı aıyrmashylyq boldy? Shyn máninde bul saladaǵy kórsetkishter boıynsha tańǵalatyn eshteńe de joq, sebebi barlyq elder arasynda osyndaı aıyrmashylyqtar oryn alyp jatady», - dedi Chjan Sıao Qazaqstan-Qytaı qarym-qatynastaryna arnalǵan sharada.

Dıplomattyń sózine qaraǵanda, búginde eki eldiń tıisti organdary osyndaı aıyrmashylyqtardy barynsha azaıtý boıynsha jumystardy júrgizýde.

«Mundaı aıyrmashylyqty barynsha tómendetý úshin eki eldiń kedendik qyzmetteri úkimetterdiń tapsyrmasy boıynsha qajetti sharalardy iske asyrýda», - dedi Elshi.