Elshi Bolat Sársenbaev Iordanııa Hashımıt Koroldigi Parlamenti Senatynyń tóraǵasymen kezdesti
ASTANA. Aqpannyń 2-si. QazAqparat. Elbasy Nursultan Nazarbaevtyń Qazaqstan halqyna arnaǵan jyl saıynǵy Joldaýynyń negizgi qaǵıdalaryn shetelde túsindirý men nasıhattaý maqsatynda, 2010 jylǵy aqpannyń 2-de Qazaqstan Respýblıkasynyń Iordanııadaǵy elshisi Bolat Sársenbaev, Iordanııa Hashımıt Koroldigi Parlamenti Senatynyń tóraǵasy Taher ál-Masrımen kezdesip, oǵan Joldaýdyń mátinin tabys etti,
dep habarlady QR Iordanııadaǵy Elshiliginen.
Kezdesý barysynda qujattyń mańyzdy jaqtaryna kóńil aýdaryp, atap aıtqanda, elimizdiń saıası, áleýmettik-ekonomıkalyq damýdyń joǵary deńgeıine kóterilgeni jaıly jáne de táýelsiz memleketimizdiń tuńǵysh Prezıdentiniń bastaýymen qýatty jáne tabysty elge aınalǵany jóninde baıandap berdi. Sonymen-qatar, endigi kezekte memleketimizdiń aldaǵy onjyldyqqa arnalǵan naqty baǵdarlamasy men maqsattary jóninde áńgimeledi. Sondaı-aq, túrli salalar boıynsha eki jaqty yntymaqtastyqtyń damý protsesimen tanystyryp, ótken jyldyń 3-4 qarashasynda Elbasymyzdyń Iordanııaǵa jasaǵan resmı saparynyń barysynda qol jetken ýaǵdalastyqtar jóninde habarlady.
Óz tarapynan Iordanııa Parlamentiniń Spıkeri, Elbasymyzdyń Qazaqstan halqyna arnalǵan Joldaýymen tanysqanyna rızashylyq bildirip jáne onyń ishinde qyzyǵýshylyq tanytatyn kóptegen jáıtterge asa mán berýge turarlyq ekendigine nazar aýdaryp, dostas Qazaqstan Respýblıkasynyń keleshegi men bolashaǵynyń zor ekendigin atap ótip, mol tabystar men órleý tilekterin aıtty.
Atalǵan kezdesý dostyq kóńil-kúı jaǵdaıynda ótti.
