Elshi qazaq-ózbek shekarasyndaǵy keptelis týraly: Bıznes ýaqyt pen aqshadan qaǵylyp jatyr

ASTANA. KAZINFORM – Ózbekstandaǵy Tótenshe jáne ókiletti elshi Beıbit Atamqulov Qazaqstan-Ózbek iskerlik keńesiniń jıynynda qos tarapty da shekaralyq protsedýralardy halyqaralyq standartqa barynsha jaqyndatýǵa shaqyrdy.

«Shekara ınfraqurylymyn birkelki damytý asa mańyzdy. Qazirgi tańda birqatar baqylaý-ótkizý beketi men joldarda kúrdeli jóndeý júrip jatqanyn kásipkerlerdiń kóbi biletin shyǵar. Osy beketterdiń bir bóligi jyl aıaǵyna deıin ashylady dep otyrmyz. Bul shekarady keptelisti aıtarlyqtaı azaıtady. Bul máselede «jumsaq ınfraqurylymdy» jetildirý negizgi máselege aınalyp otyr. ıAǵnı, kedendegi tekserýler men qujat rásimdeý jumystaryn jedeldetý kerek», - dedi Beıbit Atamqulov.

Elshi ózi ataǵan sharalar bızneske qolaıly jaǵdaı týǵyzyp, shekaradaǵy tosqaýyldardy joıatynyna senimdi.

«Shekaradan ótý úderisteri eń joǵary halyqaralyq standarttarǵa saı bolǵany qajet. Keptelis kesirinen bıznes aqsha men ýaqyttan qaǵylyp jatyr. Buǵan jol berýge bolmaıdy. Osylaısha shekaradaǵy ınfraqurylymdy damytý ákimshilik protsedýralardy jetildirýmen qatar júrýi kerek. Sonda ǵana júk tasymaly bógelmeı, ekijaqty áriptestik arta túsedi», - dedi dıplomat.