Elordanyń Jumyspen qamtý ortalyǵy 5 jylda 35 myń adamnyń jumys tabýyna kómektesti
Ortalyq - kommertsııalyq emes uıym jáne jumyspen qamtýǵa járdemdesý men «Jumyspen qamtý 2020 jol kartasy» baǵdarlamasynyń qatysýshylaryn jumysqa ornalastyrý boıynsha qyzmetterdi iske asyrady.
Osy az ǵana ýaqyt aralyǵynda Astana qalasy ákimdiginiń Jumyspen qamtý ortalyǵy 16 myńǵa jýyq adamdy jumysqa ornalastyrdy. Sonymen qatar, osy merzim ishinde elordanyń 35 myńǵa jýyq turǵyndaryna jumysqa ornalasý boıynsha járdemdesti.
Ortalyqtyń negizgi maqsattarynyń biri - azamattardy oqytý jáne jumysqa ornalasýyna járdemdesý, sondaı-aq, ınfraqurylym men turǵyn úı-kommýnaldyq sharýshylyqty damytý arqyly olardyń jumyspen qamtylýyn qamtamasyz etý.
Jalpy alǵanda, 100-ge jýyq jobalar iske asyryldy. Bilim berý, sport-mádenı, saýyqtyrý jáne medıtsınalyq mekemelerdi kúrdeli jáne aǵymdyq jóndeý maqsatynda, sonymen qatar, qala kósheleri joldaryn salý jáne jóndeý maqsatynda jumys oryndary qurylǵan bolatyn.
Jalpy alǵanda osy joba sheńberinde 1 269 jańa jumys oryndary quryldy. Ortalyqtyń negizgi qyzmetiniń biri - shákirtaqy tóleı otyryp, kásiptik daıarlaý, qaıta daıarlaý jáne biliktiligin arttyrýdyń aqysyz kýrstaryna joldama berý bolyp tabylady.
Bes jyldyń ishinde osy kýrstarǵa 9,5 myńnan astam adam joldama aldy. Sonymen birge, Jumyspen qamtý ortalyǵy azamattarǵa laıyqty bos jumys oryndaryn izdeýmen jáne jumysqa ornalastyrýǵa járdemdesýmen, sonyń ishinde áleýmettik jumys oryndary men jastar tájirıbesine de joldaýmen aınalysady. Bes jyldyń ishinde áleýmettik jumys oryndaryna 1 696 adam, al jastar tájirıbesine 3 746 adam jiberildi. Qoǵamdyq jumysqa 10 myńnan astam adam tartyldy.
Eske sala ketsek, uıymshyl, tatý ujymnyń arqasynda sońǵy eki jyldyń aralyǵynda elordadaǵy jumyssyzdyq deńgeıi búkil elmen salystyrǵanda - eń tómengi kórsetkishti saqtap otyr.
