Elordanyń jol polıtsııasy qyzmetkerleri 102 keli marıhýana tárkiledi
ASTANA. 28 mamyr. QazAqparat - Elordanyń jol polıtsııasy qyzmetkerleri 102 keli marıhýana tárkiledi. Bul aqparatty Astana qalalyq jol polıtsııasy basqarmasynyń baspasóz qyzmetinen habarlady.
Keshe saǵat shamamen 16-00-de «Qyzyljar» beketinde jol polıtsııasy qyzmetkerleri Tarazdan Astanaǵa kele jatqan Setra avtobýsyn toqtatty. Kóliktiń salonyn tekserý barysynda ıisi bar, sur-jasyl tústi zat salynǵan 5 qytaı sómkesi tabyldy. Keıinirek atalǵan zattyń salmaǵy 102 keli 62 gramm marıhýana ekendigi anyqtaldy.
Avtobýs júrgizýshisiniń aıtýynsha, sómkeler Rýdnyı qalasynyń turǵyny 21 jastaǵy azamatshaǵa tıesili. Atalǵan is odan ári tekserilý úshin Astana qalalyq ІІD basqarmasynyń qaraýyna berildi.
