Elordanyń jol polıtseıleri jaıaý júrginshilerdiń jol erejelerin buzýyn boldyrmaý úshin óz jumystaryn jandandyra túspek
ASTANA. Qańtardyń 6-sy. QazAqparat /Marlan Jıembaı/ - Elordanyń jol polıtseıleri jaıaý júrginshilerdiń kinásinen oryn alatyn jol erejeleriniń buzylýyn boldyrmaý maqsatynda óz jumystaryn jandandyra túspek.
Bul týraly búgin Astana qalalyq ІІD Jol polıtsııasy basqarmasynyń tehnıkalyq qadaǵalaý bóliminiń bastyǵy Saǵadat Qalıasqarov málim etti.
Onyń aıtýynsha, 2009 jyly júrginshilerdiń jol erejelerin óreskel buzýynan 219 jol-kólik oqıǵasy tirkelip, sonyń saldarynan 28 adam qaza tapsa, 203 adam túrli dene jaraqattaryn alǵan. Jol polıtsııasy qyzmetkerleri belgilenbegen jerden kósheni qıyp ótken 3778 júrginshini ustap, ákimshilik jaza tartqan.
«Jańa jyldyń alǵashqy 4 kúninde jol polıtsııasynyń qyzmetkerleri 183 jaıaý júrginshini ustap, ákimshilik jaýapkershilikke tartty», deıdi S.Qalıasqarov.
