Elordanyń Jeńis dańǵyly kúrdeli jóndeýden keıin saltanatty túrde ashyldy

dep habarlady qalalyq ákimdiktiń baspasóz qyzmetinen.

Kúrdeli jóndeý jumystary qysqa merzim ishinde atqaryldy. Áýelgi joba boıynsha ony jóndeý 19 aıǵa mejelengen bolsa, jumys óndirisin ózgertip, 4 kezeńge bólýdiń arqasynda qaıta jóndeý jumystaryn 6 aıdyń ishinde - 9 sáýirden 15 qazanǵa deıin júzege asyryldy. Osylaısha demalys maýsymynyń aıaqtalyp, jańa oqý jylynyń bastalýyna baılanysty kólik aǵymynyń ulǵaıýy sebepti barlyq magıstral boıynsha qozǵalys 1 qyrkúıekke ashyq boldy.

Uzyndyǵy 3,386 metrdi quraıtyn Jeńis dańǵylyn qaıta jóndeý jumystary barysynda jalpy 4 407 metr turmystyq, 8 384 metr aǵyn, 4 178 metr telefon kárizi jóndeldi. Sondaı-aq, 1 869 metr jylý jelileri dıametri 820 mm-lik, eski sý qubyrlary jelileri 4 527 metr bolatyn jańa qubyrlarmen aýystyryldy. Jańa ınjenerlik jeliler qalanyń osy bóliginiń aldaǵy damýyn esepke ala otyryp, jobalanyp salynǵan.

Qazirgi tańda dańǵyldyń abattandyrý jumystary aıaqtalyp keledi. Jaıaý júrginshiler joldaryna tas tóselip, baǵdarshamdar ornatyldy. Jaıaýlar júretin ótpe joldar jáne 157 zamanaýı jaryqtandyrý quraldary ornalastyryldy. Budan ózge, dańǵylǵa tıesili 40-qa tarta aýla aýmaǵyn abattandyrý aıaqtalyp keledi. Onda kirer jolǵa jańa asfalt tósep, jıek tastardy aýystyrý qarastyrylǵan. Jeńis dańǵylyn qaıta jóndeý jobasynyń quny 6,107 mlrd. teńgeni quraıdy.