Elordanyń jemqorlyqpen kúres tájirıbesi óńirlerge taratylyp jatyr
«Ózderińizge málim, byltyr «Astana adaldyq alańy» atty jobasy aıasynda birqatar shara iske asyrylyp, elimizdiń bas qalasynda, ásirese áleýmettik salalarda óte aýqymdy sharalar uıymdastyrylǵan bolatyn. Nátıjesinde turmystyq jemqorlyqtyń azaıýy baıqaldy. Endi búgin elordanyń tájirıbesin óńirlerge taratý jumystary qolǵa alynyp otyr», - dedi ol.
Joba jetekshisiniń aıtýynsha, qazirgi ýaqytta ortalyq deńgeıde respýblıkalyq jobalyq keńse qurylyp, ár óńirde «Adaldyq alańy» atty jobalyq keńseler ashylǵan.
«Olardyń aımaqtyq organdardan aıyrmashylyǵy - kez kelgen máseleni sheshýde bıýrokratııalyq protsestersiz naqty jobalardy tez arada iske asyrý. Jumys bastamashylyq negizde qurylǵan. Mundaǵy mańyzdy ról azamattyq sektorǵa tıesili. Sol sebepti keńselerdiń jetekshileri retinde óńirlerdegi qoǵamdyq belsendiler taǵaıyndalyp otyr. Ádistemelik súıemeldeý bizdiń Memlekettik basqarý akademııasynyń ortalyǵyna júktelgen», - dedi J.Taıjanova.
Onyń aıtýynsha, joba bilim berý, densaýlyq saqtaý, áleýmettik qamtamasyz etý, sáýlet, qurylys, turǵyn úı-kommýnaldyq sharýashylyǵy, jer qatynastary, aýyl sharýashyǵy, memlekettik kirister, sot jáne quqyq qorǵaý organdary salalaryndaǵy jemqorlyqty azaıtýǵa baǵyttalǵan. Bul rette ár aı naqty bir salaǵa arnalady.
«Jobalardyń basym bóligin sol salada anyqtalǵan jemqorlyq táýekelderdi azaıtýǵa baǵyttap otyramyz. Biraq, sonymen qatar basqa salalardaǵy jobalar da óz jalǵasyn taba beredi. Jobanyń merzimi - 2020 jyldyń jeltoqsany. Osy merzimge deıin jalǵasatyn bolady. Turmystyq jemqorlyq halyq arasynda júrgizilgen saýalnama arqyly ólshenedi. Onyń nátıjesi sol ýaqytta tanystyrylady», - dedi joba jetekshisi.