Elordanyń jemqorlyqpen kúres organdary 7,4 mlrd. teńgeni úkimetke qaıtardy
Bul týraly Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń basshysy Nurlan Qydyrbaev «Antikor.Live» jobasy aıasyndaǵy onlaın brıfıngte aıtty, dep habarlaıdy QazAqparat tilshisi.
«Alty aıdyń qorytyndysy boıynsha, 7,4 mlrd. teńgeni úkimetke qaıtardyq. Bul - óte úlken kórsetkish. Áýejaı, aýyl sharýashylyǵyna qatysty qylmystar tolyq moıyndalyp, aqsha qaıtarylǵannan keıin qylmystyq is qysqartyldy. Budan ózge de qylmystar boıynsha taǵy 8 mln teńge bıýdjetke qaıtaryldy», - deıdi Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń basshysy Nurlan Qydyrbaev.
Ol «Sapaly jol» jobasy boıynsha ákimdik, jol jóndeýshiler jáne qoǵam belsendilerimen jumys istep jatqandaryn aıtty.
«Qoǵamn belsendileri bizben birge joldyń sapasyn tekserip, áleýmettik jelilerge jazyp jatyr. Olardyń arqasynda kóp jumys atqarylýda», - deıdi ol.