Elordanyń jedel shtaby karantın kezinde qyzmeti toqtaýy tıis nysandardyń tizimin jarııalady
NUR-SULTAN. QazAqparat - Nur-Sultan qalasy boıynsha koronavırýs ınfektsııasynyń taralýyna jol bermeý jónindegi jedel shtab karantın kezinde qyzmeti toqtaýy tıis nysandardyń tizimin jarııalady, dep habarlaıdy QazAqparat tilshisi.
Jedel shtab qyzmeti toqtaýy tıis nysandardyń tizimin qalalyq ákimdiktiń resmı saıtynda jarııalady.
1. Іri saýda nysandary, saýda-oıyn saýyq ortalyqtary, saýda úıleri, otbasylyq demalys ortalyqtary, ámbebap jáne azyq-túliktik emes bazarlar, onyń ishinde jumysy shtattyq rejimde jalǵastyrylýy tıis azyq-túlik bólimderi, dárihanalar men bankterdiń esep aıyrysý-kassalyq bólimshelerin qospaǵanda, osy nysandardyń ishinde ornalasqan avtojýý, tehnıkalyq qyzmet kórsetý stantsııalary;
2. Onlaın tapsyrystardy jáne jetkizýdi uıymdastyrý múmkindigi bar qoǵamdyq tamaqtaný nysandyr (meıramhanalar, kofe ishetin oryndar, dámhana, toıhana, banket zaldary, fýdkorttar, ashanalar, doner, laýnj barlar, tez tamaqtaný pýnktteri, otelderdiń lobbı barlary, «Astana» áleýmettik-kásipkerlik korporatsııasy» aktsıonerlik qoǵamy iske asyratyn «1000 oryndyq kóshelik saýda» jobasynyń qatysýshylary, azyq-túlikten basqa);
3. Túngi klýbtar, barlar, qorqor tartatyn bólmeleri;
4. Bilim berý ortalyqtary, úıirmeler, artklýbtar, balalar demalys oryndary, jeke menshik balabaqshalar jáne basqalary;
5. Oıyn-saýyq nysandary (kompıýterlik, karaoke, býkmekerlik jáne bılıardtyq, PS-klýbtar, kvestalar, antı dámhana, ınternet klýbtar, boýlıng ortalyqtar jáne basqalar);
6. Sport nysandary (fıtnes, ıoga jáne massaj ortalyqtary, SPA salondar, akvaparkter, qoǵamdyq monshalar, basseınder, solıarııler, tırlar, atys alańy jáne basqalar);
7. Qyzmet kórsetý salasy nysandary (kosmetologııa, sulýlyq salony jáne t.b.);
8. Onlaın tapsyrystar men jetkizýlerdi kórsetý múmkindigi bar azyq-túliktik emes saýda nysandary;
9. Kınoteatrlar, kınorýmdar men teatrlar;
10. Onlaın tapsyrystardy jáne jetkizýdi kórsetý múmkindigi bar avtosalondar, avtobazarlar, avtobólshekterdi jáne basqalardy satý salondary.
Sonymen qatar jedel shtab jappaı, saltanatty, umytylmas jáne eske alý is-sharalaryn, kórmeler, forýmdar, konferentsııalardy ótkizýge tyıym saldy.
Al onlaın tapsyrystar men jetkizý múmkindigi bar bıznes-ortalyqtary janyndaǵy qoǵamdyq tamaqtaný pýnktteriniń qyzmeti toqtatylyp, bıznes-ortalyqtardyń, tehnıkalyq qyzmet kórsetý stantsııalarynyń (bólek turǵan ǵımarattardaǵy výlkanızatsııalaý, avtojýýlar) jumys kestesi saǵat 10.00 bastap 17.00 deıingi rejimde belgilendi.
