Elordanyń jedel áreket etý qyzmetteri: ózendegi muz áli juqa ári qaýipti
ASTANA. QazAqparat - Alǵashqy muz konkımen syrǵanaýǵa, balyq aýlaýǵa ǵana emes, joldy qysqartyp, syqyrlaq muzdyń ústimen júrýge de yntyqtyryp turady. Shyn máninde, muz áli juqa jáne adam salmaǵyn kótere almaıtyndyqtan óte qaýipti bolyp tabylady.
Osyǵan baılanysty elordalyq jedel áreket etý qyzmetteri qala turǵyndary men qonaqtaryna kúzgi juqa muzdyń qaýiptiligi jaıynda eskertedi jáne balalardy qaraýsyz qaldyrmaýǵa shaqyrady.
Mamandardyń aıtýynsha, baqytsyz jaǵdaılarǵa jol bermeý úshin qaýipsizdik sharalaryn saqtaý kerek. Muzdyń qalyńdyǵy 10-12 sm-ge jetken kezde ǵana onyń betine shyǵý qaýipsiz bolady. Sondaı-aq, muzdyń beti qarmen jabylǵan jerlermen júrmeýge tyrysqan abzal, sebebi ondaı jerlerde muz áldeqaıda baıaý qatady. Keı jaǵdaılarda sý aıdynynyń betindegi muzdyń qalyńdyǵy 10 sm-di qurasa, al qardyń astynda qalyńdyǵy 3 sm-di quraıdy.
Astana qalasynyń TJD habarlaýynsha, aǵymdaǵy jyldyń 6 qarashasynda Esil ózenindegi oıyqqa maltý kezinde 1964 jyly týǵan er azamat sýǵa batyp ketti.
