Elordanyń jas ekologtary ekologııalyq túıtkilderdi breın-rıng oıynynda talqylaıdy
ASTANA. 26 naýryz. QazAqparat /Jasulan Amanbaıuly/ - Elordadaǵy jas ekologtar Qazaqstannyń ekologııalyq túıtkilderin sheshýdiń joldaryn breın-rıng ıntellektýaldyq oıynynda talqyǵa salady.
Sharany ekolog, QR prezıdenttigine úimtker Mels Eleýsizovtyń ıdeıasyn qoldaý maqsatynda elordalyq jastar uıymdarynyń belsendileri uıymdastyrǵan.
«Biz qorshaǵan ortaǵa beı-jaı qaramaıtyn jastar uıymdary retinde Qazaqstannyń jańa baǵyty, jańa joly ekologııaǵa degen qamqorlyqpen jalǵasýy tıis degen ıdeıany ustanǵan Mels Eleýsizovty qoldaımyz. Tutynýshylyq ıdeologııadan birtindep aryla berýimiz kerek, qorshaǵan álemge kóńil bólý qajet. Sebebi órkenıet bıologııalyq qorlarǵa súıenip qurylady»,-deıdi sharanyń uıymdastyrýshylary ózderiniń úndeýinde.
Qazirgi zamanda álem elderinde ekosaıasat úderisi beleń alyp keledi. Eýropa, Amerıka elderiniń parlamentterinde «jasyldar» partııalarynyń ókilderi kóbeıip, ekologııalyq máselelerdi sheshýge belsendi aralasýda.
Breın-rıng barysynda qatysýshylar ekologııa jaıynda túrli suraqtarǵa jaýap izdep, qorshaǵan ortany qorǵaý máselelerin sheshýdiń joldaryn talqylaıdy.
