Elordanyń jańa aýdanyna «Nura» ataýyn berý usynyldy

ASTANA. QazAqparat – Búgin Astana qalasynyń maslıhatynda turaqty komıssııanyń otyrysy ótti, dep habarlaıdy QazAqparat tilshisi.

Jıynda alǵash bolyp baıandama jasaǵan Tilderdi damytý jáne arhıv isi basqarmasynyń basshysy Sáken Esirkep onomastıka komıssııasynyń qorytyndysyn jarııalady. Atap aıtqanda, buǵan deıingi talqylaýlar men usynystar negizinde Astana aýmaǵanan qurylatyn jańa aýdanǵa «Nura» ataýyn berý usynyldy.

«Besinshi aýdan qurylatyny belgili bolǵan sátten bastap, ǵalymdar, zııaly qaýym ókilderi jáne aǵa býynmen birneshe ret kezdesýler ótkizdik. Onda toponımıkaǵa baılanysty túrli taqyryptar men usynystar aıtyldy, talqylandy. Usynystardy talqylaı kele, onyń ekeýin onomastıkalyq komıssııanyń qaraýyna berdik. Jıynda ortaq pikirge kelip, jańa aýdanǵa Nura ataýyn berý týraly usynys maquldandy. Sizderge de osy usynyspen kelip turmyz», - dedi Sáken Esirkep.

Depýtattar bul bastamany máslıhattyń kezekten tys sessııasynda qaraý týraly sheshim qabyldady. Tıisinshe, ataýdy naqty bekitý nemese oǵan ózgeris engizýdi maquldaý aldaǵy otyrystarda talqylanady.